He Rārangi o ngā Kura Arareo Māori
He rārangi o ngā kura o Aotearoa ka whakaakona ngā wāhanga ako o te marautanga ki te ākonga mā te reo Māori mō te 51 ōrau o te wā, neke atu rānei.
I whakahoutia i te: Poutūterangi 2024
He Pārongo mō te Rārangi
Ko te hunga tangata, rōpū whakahaere rānei e hiahia ana ki te tuku īmēra ki te hunga kei tēnei rārangi me ū ki ngā tikanga o te Unsolicited Electronic Messages Act 2007. Nā te mea kei runga ngā īmēra i tēnei rārangi, ehara i te mea me tukutuku īmēra noa ki a rātou.
Ko ngā ingoa o ngā tumuaki kei tēnei rārangi mō ngā kura kāwana me ngā kura tāuke anake. Koia nei ngā pārongo tūturu mō te wā i whakaratoa. Mēnā he panonitanga kāre anō kia whakaatahia.
Ngā Taumata Reo Māori
E whakaatu ana tēnei rārangi i te taumata o te reo Māori e akona ana e te ākonga e ai ki ngā hāora o te wiki e whakaakona ana te marautanga ki te reo Māori.
Kia ū ai tētahi kura ki tēnei rārangi me mātua noho tētahi o ngā ākonga ki te taumata 1, te taumata 2 rānei mō te rumaki reo Māori, ā, me whakaako ngā ākonga ki te reo Māori mō te 51 ōrau o te wā, neke atu rānei.
Anei ngā taumata rumaki reo Māori e whai ake nei:
- MLL1 e whakaakona ana te marautanga i roto i te reo Māori mō te 81 – 100% o te wā (20 – 25 hāora i te wiki)
- MLL2 e whakaakona ana te marautanga i roto i te reo Māori mō te 51 – 80% o te wā (12.5 – 20 hāora i te wiki)
- MLL3 e whakaakona ana te marautanga i roto i te reo Māori mō te 31 – 50% o te wā (7.5 - 12.5 hāora i te wiki)
- MLL4a e whakaakona ana te marautanga i roto i te reo Māori mō te 12 – 30% o te wā (3 – 7.5 hāora i te wiki)
- MLL4b e ako ana te ākonga i te reo Māori hei kaupapa kē mō te 3 hāora neke atu rānei i te wiki
- MLL5 e ako ana te ākonga i te reo Māori hei kaupapa kē mō te 3 hāora iti iho rānei i te wiki
He Whai Pānga ki ngā Rōpū Whakahaere Matua Kaupapa Mātauranga Māori (Kaupapa Māori Education – KME)
E whakaatu ana tēnei rārangi mēnā e whai pānga ana te kura ki tētahi o ngā rōpū whakahaere kaupapa Māori matua. E rua ngā rōpū whakahaere matua e whai pānga ai ngā kura:
- Te Rūnanga nui o ngā Kura Kaupapa Māori o Aotearoa
- Ngā Kura ā Iwi o Aotearoa Inc