Ua Aoina le Manogi o le Lolo: Pasifika Schooling Improvement Research - Final Report

Feiloa’iga

O le vi’iga ma le fa’afetai i le Atua e maualuga lea. E maualuga fo’i ona manatu ma ona ala uma.

E faatalofa atu i le paia ma le mamalu o le Atu Polenisia ma le Pasefika atoa o alala ma papa aao i Aotearoa nei.

Afio mai lau Afioga a le Sa’o a le ofisa o A’oga i Aotearoa.

Afio mai lau Afioga a le ali’i Pule of le Matagaluega o Fa’aleleia o A’oa’oga i Manukau

Afio mai lau Afioga Tui Samoa

Afio mai lau Afioga Tui Manu’a

Afio mai lau Afioga Tui Toga

Afio mai lau Afioga Tui Atu Kuki

Afio mai lau Afioga Tui Fiti.

Afio mai fakatulou atu kite mamalu o Tokelau

Afio mai ki a mutolu oti o Niue

I Susuga a Pule A’oga ma le nofo a Faia’oga

I Susuga a le Au lagolago i lenei galuega

Le mamalu o le Atu Pasifika i Niu Sila nei.

Ua faa’malō faafetai i le tofā mamao ma le silasila i le lumanai aua alo ma fanau a le Pasefika o loo utuvai ma a’otauina ai mo lo latou lumanai ia manuia ma soifua maloloina i le tino, mafaufau ma le agaga. Faafetai tele lava i lo outou talisapaia o le faatalauula atu ma le augani atu a le Matagaluega o Aoga i Aotearoa nei, aua lava le tapu’eina ma le faafaileleina o alo ma fanau a le Pasefika i itu tau a’oa’oga, ia taunuu o latou faamoemoega ma sini atu o moemiti i ai. E faafetai atu foi ia i latou uma na fesoasoani ma tuufaatasia lenei faamoemoe i soo se itu, ua taunuu ai ma le manuia. Faafetai tele le agalelei.